حكايه الربع جنيه

من طرف عصام الثلاثاء سبتمبر 29, 2009 9:20 am

مرة واحد ماشى فى الشارع لقى ربع جنية
قعد يفكر اعمل بية اية ؟
اركب الاتوبيس والا اشرب عصير قصب ؟
قال فى نفسة
انا لو ركبت الاتوبيس هايكون فية احتمالين
اما اقف واما اقعد
لو وقفت مش مشكلة
لكن لو قعدت فية احتمالين
اقعد جنب راجل او اقعد جنب ست
لو قعدت جنب راجل مش مشكلة
لكن لو قعدت جنب ست هايكون فية احتمالين
اما احبها او ماحبهاش
لو ماحبيتهاش مش مشكلة لكن لو حبيتها هايكون فية احتمالين
ممكن ماتجوزهاش او ممكن اتجوزها
لو ماتجوزتهاش يبقى مفيش مشكلة لكن لو اتجوزتها هايكون فية احتمالين
يانخلف يا منخلفش
لو مخلفناش مفيش مشكلة لكن لو خلفنا هايكون فية احتمالين
اما نخلف بنت او نخلف ولد
لو خلفنا بنت مفيش مشكلة لكن لو خلفنا ولد هايكون فية احتمالين
يا هيستقيم يا هاينحرف
لو استقام مفيش مشكلة لكن لو انحرف هايكون فية احتمالين
اما هايدمن او مش هايدمن
لو مش هايدمن مفيش مشكلة لكن لو ادمن هايكون فية احتمالين
اما يكون معاة فلوش او مش معاة فلوس
لو كان معاة فلوس مش مشكلة لكن لو مش معاة فلوس هايكون فية احتمالين
اما هايسرقنى او هايقتلنى
لو سرقنى مش مشكلة لكن لو قتلنىىىىىىىىىىى ؟؟؟
لا ياعم اشرب عصير قصب احسن