M.E.T
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

عزااااااااااء

5 مشترك

اذهب الى الأسفل

عزااااااااااء Empty عزااااااااااء

مُساهمة من طرف Heba Allah السبت فبراير 28, 2009 11:44 am

عزاء الى صديقتى الشهيدة جهاد عادل لاشين ..
-------------------------------------------------------
السلام عليكم ورحمة الله وبركاته ..
مش عارفه بجد ابدأ ازاى بس الى انا عارفاه وحساه أنى فقدت أغلى وأحلى إنسانه عندى فى الدنيا فقدت أختى وصديقتى الشهيدة (( جهاد )) ..
توفت صديقتى وزميلتكم الشهيدة جهاد فى حادث امام الاكاديمية فى يوم الثلاثاء 17/2/2009 فى أول اسبوع الدراسة..
كانت جهاد فى اليوم دا خارجه من السكن وراحه الكلية علشان كان فى محاضرة الساعه التاسعه صباحا.. خرجت من السكن الساعه ثمانية وربع وركبت التاكسى ووصلها لغاية الطريق المعاكس لااكاديمية نزلت وعدت الطريق الاول ووقف تستنى تعدى الطريق الثانى فشافت السيرفيس بعيد عنها مااخدتش بالها انه هيكون قدمها فى ثانية واحدة فصدمها بس كانت صدمه بشعه وكبيرة.
اصحابى حكولى انه من شدة الصدمة باب السيرفيس اتخلع وسمعوا فرمله جامدة جدا.
الامن راح على السيرفيس الاول وبعد كدا شافوا بنت على الطريق فتحوا شانطتها وعرفوا اسمها وبدأو يسألوا بعض فيها النفس لسه وبعدين نقلوها بالتاكسى على مستشفى السلاب واحده زميلتى اتصلت بيا بعدها بخمس دقائق وقالتلى جهاد
عملت حادثه مصدقتش انهرت بس مافكرتش ان الموضوع صعب كده فكرت انه خدشه بسيطه بس لا كان كبير جداا رحت على المستشفى على طول وسألت عن جهاد قالولى فى العنايه المركزة فى الدور الرابع طلعت ولقيت صاحبتى اللى اتصلت بيا لقيتها منهارة هى كمان ولقيت دكاتره داخله ودكاتره خارجه نسأل اية الاخبار؟؟؟
يقولوا ادعولها ربنا يسهل .. ربنا معاها ان شاء الله خير كل شوية نسأل.
الامن اتصلوا بوالدها ووصل الساعة الحادية عشر صباحا قبل مايوصل خرج دكتور قلنا هننقلها على عيادة جنب المستشفى نعملها اشعة مقطعية فى نزيف داخلى فى المخ وكسر فى الفخذ الشمال وكسر فى احدى الضلوع راحت ورجعت فى عربية الاسعاف وقالوا الحمدلله مفيش نزيف ده كسر بسيط فى الجمجمة وان شاء الله هيتصلح ويرجع زى ماكات لما شفت جهاد ساعتها مكنتش جهاد الى اعرفها كانت عنيها ورمة ورم فظيع مشفتش زيه ولا هشوف سألنا وقالوا ده من اثار الصدمة اللى فى المخ وبسيطة وجت والدتها بعد ماقلنلها ان عندها كسر بسيط فى رجليها جت لفت جهاد حاجة تانية خالص بقينا ندخل كل شوية نطمن على جهاد بس مش كانت بتفوق كانوا بيقولوا قدمها يومين ثلاثه عما تفوق وبعد كده هنعمل لها عمليتين الاولى:هيعملوا شريحة فى رجليها وعملية فى ضلعها بس لازم تفوق الاول ويتأكدوا من سلامة المخ 100% وعدى اليوم الاول وجه اليوم الثانى وكنت معاهم على طول فى المستشفى ودايما بتطمن على جهاد وكان بيجى ناس مهوله من البلد علشان يشوفوا جهاد ويطمنوا عليها وكانوا كلهم بيدخلوا العناية مع انها عناية مركزة المفروض انها معقمة يعنى مش اى حد يدخل كأن كان ربنا عاوز كل الناس تشوف جهاد لاخر مرة فى حياتهم بس مكنتش بتحس بينا خالص بس بعد مانخرج يقولوا دى قالت اه اه واتوجعت فاادينالها مسكن ومنوم علشان الالم الفظيع وعدى اليوم الثانى كالعادة وجه اليوم الثالث يوم الخميس دخلت لجهاد وشفتها واتكلمت معاها ومسكت ايديها بس مكلمتنيش بس اكيد كانت حاسه بيا..
فى اليوم ده شفت جهاد لاخر مرة فى حياتى شكلها عمره ماهيفرقنى لحظة مشيت لان والدتها قالتلى لازم تستريحى شوية احنا اتطمنا عليها واكيد هتبقى كويسه مكنتش عاوزه امشى بس غصب عنى ربنا كان ليه حكمه فى كده علشان مشفهاش وهى بتموت بعد مامشيت كنت باتصل كل شوية اتطمن يقولوا جهاد بتتحسن وخلاص هتفوق والدتها بتقولى انا دخلت بعد العصر لقيت جهاد واحدة تانية خالص جهاد جميلة وشها كان ابيض ومنور والورم الى فى عنيها خف شوية والزراق الى فى عنيها خف برده ووالدتها بقت تكلمها وتقلها ياجوجو انا ماما ياحبيبتى جهاد تقول اه اه اه قالتلها خلاص ياجهاد متقليش اه قولى ربنا يشفينى قولى الحمدلله ومسكت ايديها فجهاد حست بيها ومسكت ايد والدتها ونزلت من عينيها دمعة مكملتش ورفعه ايديها لوالدتها كأنه سلام ياماما ونزلتها تانى وشربت العصير فرحت والدتها قوى قالت خلاص جهاد فاقت بس كانوا مستغربين النور الى فى وشها ده غريب اوى ..
الممرضات قالوا دى الدموية ماشية فى جسمها نزلت والدتها وحست انها معديتش تعبانه من وقفتها طول الوقت اللى فات ونزلت بسرعه كانت جعانه ف اكلت وكانت مبسوطه خلاص وخرجت بره المستشفى مع صديقة ليها عايشه فى المنصوره راحوا بيتها وباتت والدتها هناك وروج والدها البيت فى البلد وقالوا يجوا الصبح كان كل يوم بنروح المستشفى لجهاد من الساعة التاسعة صباحا فى يوم الجمعة ( يوم الوفاة) والدها وصل الساعة الحادية عشر ووالدتها اتأخرت . قالت بلاش اروح علشان جهاد تستريح والناس متدخلش لغاية اما جه ليها الخبر انها تروح على البلد علطول.. الساعة الحادية عشر والنصف اتصلت بوالد جهاد اسأله جهاد عمله ايه قالى انا واقف قدام العناية لسه مادخلتش قلتله شوية وهتكلم تانى بقيت بقول لماما يالا عاوزه اروح لجهاد تقولى اصبرى ان الله مع الصابرين ودى من حكمة ربنا علينا كلنا ..
لقيت التليفون بيرن واحده صاحبتى من البلد بتقولى صح اللى سمعته قلتلها خير قالتلى جهاد .. توفت .. انهرت قلتلها لا انا لسه متصله حالا قفلت معاها واتصلت بوالدها ها يعموا دخلت لجهاد عامله ايه؟ اخبارها ؟ كنت بطول معاه خايفه اسمع منه حاجة قالى جهاد البقاء لله مش عارفه محستش بنفسى وانا باصوت واقوله لا يعموا لا جهاد لا لما وصلت عنده البيت قالى انتى كنتى بتكلمينى وسمعت صريخك وكانت جهاد على رحلى باقولها قومى ياجهاد صاحبتك بتسأل عليكى لبست بسرعه ورحت على بيتها وصلت بسرعه جدا مع ان المسافة بعيده من المنصوره للبلد بتاعتنا واتغسلت فى ساعة وخرجت الساعه الثانية ونصف .. كانت جنازة كبيرة جداا مشفتش زيها كل الناس كانت بتحبها كان والدها بيقول انا خارج ازف جهاد الشهيدة وصلنا الجامع أذان العصر بالظبط كنت راكبه مع والدتها العربية مسبتهاش لحظة كنت بهدى والدتها وكنت عاوزة الى يهدينى اصلا وصلينا صلاة الجنازة ومشينا للمقابر وفى ثانية ادفنت كأن ليها ميعاد معين وساعة معينة راحت جهاد ومعدش ليها وجود فى الدنيا غير زكرى..
ازاى مش مصدقه ان ده يحصل بعد كده رجعت مع والدتها البيت كنت بسمع كلام كله بيبين ان جهاد داخلة الجنة بدون نقاش
اولا:شهيدة فى سبيل العلم
ثانيا:كنا انا وجهاد ديما بنسمع اغانى .فى ليلة الحادثه نامت على القرأن بالتحديد سورة يسن وادعية اسلامية كلها عن التوبة والحشر مع الشهداء الصديقين وقالت لزميله كانت قاعده معاها فى الاوضة انا معدتش هسمع اغانى ومش هلبس ضيق ولا بناطيل ومش هعمل حاجة تزعل ربنا وكانت بتقولهم بصولى دايما عاوزه املى عينى منكم وكانت طول ماهى فى السكن تكلم والدتها تقولها انا مخنوقة تعالى خدينى قبل جهاد ماتروح السكن كانت فى البيت قبل ماتسافر بيوم تقولهم اخر مرة هفطر معاكم اخر مرة هتغدى معاكم اخر مره هقعد على الكمبيوتر بتاعى كأنها كانت حاسه وليلة الحادثه كانوا زميلها بيقولولها ماتروحيش الكلية ياجهاد تقلهم لا هروح وصحت الفجر وصلت الفجر وبعدين فضلت قلقانه ونزلت وبعد كده حصل الى كتبته..
كنت انا شفت جهاد يوم الاثنين فى الكلية كانت جميلة اوى بطريقة غربية لبسها شفته عليها قبل كده كتير بس كان المره دى جميل عليها اوى اوى ولفة طرحتها كانت جميلة وفى المحاضره وانا منزلتش عينى من عليها..
مش عارفه ازاى هعيش من غير مااسمع ضحكتها ولا اشوف عنيها الجميله ولا شقوتها . هتكلم مع مين واتخانق مع مين .هاحكى لمين عن نفسى مش مصدقه انه مفيش جهاد معانا فى الدنيا ازاى ؟؟
رحتلها عند قبرها وقرأت ليها قرأن واتكلمت معاها وكنت حاسة انها مبسوطة فى الجنة ياريتنى كنت معاها بس انا ليه بلوم نقسى ده قدرها وده نصيبها وأنا مومنة لازم ادعيلها وانتم كمان ادعولها وادعوا لاهلها وادعولى ربنا يصبرنى على بعدها.. وحشتنى اوى اوى نفسى اشوفها واسمع صوتها الجميل وضحكتها العسل..
جهاد غيرتنى من بعد ماكنت بسمع اغانى ومدمنه اغانى وحياتى كلها مسلسلات وافلام واغانى معتش فيه كده مسحتها كلها من حياتى انا بدأت بس اكيد عاوز المساعده ياجماعه المفروض ان إحنا شباب المستقبل المفروض اننا نكون اكبر من التفهات دى اغانى وحاجات تافهة لا بتجيب ولا تودى بالعكس كلها ذنوب بتضرنا..
يلا نبدأ حياة جديدة كلها امل وحب لله بلاش نبعد عن دينا بلاش احسن يجى اليوم اللى نندم فيه على كل معصية لله وتبقى فى نفس موقف جهاد ومتعرفش تعمل حاجة ومفيش حاجة هتنفعك غير عملك الطيب وسمعتك الجميلة اكيد كلامى صح نفسى نتغير بجد ونعمل حاجة كبيرة تنفعنا وتنفع غيرنا ..
فكروا فى كلامى كتير وردوا عليا وعاوزة أطلب منكم طلب:
ادعوا لجهاد بالرحمة ودايما اقرأو ليها قرأن ..
وربنا يوفقكم جميعا ويهديكم ويهدينا .. (امين)
معلشى طولت عليكم بكلامى بس كان لازم اعمل حاجة علشان حبيبتى الشهيدة (جهاد)
(والسلام عليكم ورحمة الله وبركاته)
بقلم >> :: اسماء اشرف بدوى ::
اعدادى هندسة
Heba Allah
Heba Allah

انثى
عدد الرسائل : 43
العمر : 34
المزاج : يا رب لك الحمد كما ينبغى لجلال وجهك ولعظيم سلطانك
تاريخ التسجيل : 09/02/2009

الرجوع الى أعلى الصفحة اذهب الى الأسفل

عزااااااااااء Empty رد: عزااااااااااء

مُساهمة من طرف Heba Allah السبت فبراير 28, 2009 11:45 am

إنا لله وإنا إليه راجعون
اللهم أغفر لجهاد وارفع درجاتها فى المهديين فى عقبة فى الغابرين واغفر لنا ولها يا رب العالمين وافسح لها فى قبرها ونور لها فيه
اللهم أغفر لها وارحمها واعف عنها وأكرم نزلها ووسع مدخلها واغسلها بالماء والثلج والبرد ونقها من خطاياها كما ينقى الثوب الأبيض من الدنس وأبدلها دار خيرا من دارها وأهلا خيرا من أهلها وأدخلها الجنه وقها من عذاب القبر وعذاب النار
اللهم عبدك وابن أمتك محتاج إلى رحمتك وأنت غنى عن عذابه وإن كان محسنا فزد فى حسناته وإن كان مسيئا فتجاوز عنه
اللهم اجعله فرطا وذخرا لوالديه وشفيعا مجابا اللهم ثقل به موازينهما وأعظم به أجورهما وألحقه بصالح المؤمنين
إن لله ما أخذ وله ما أعطى وكل شئ عنده بأجل مسمى فلتصبر ولتحتسب
اللهم أغفر لها اللهم ثبتها يا رب عند سؤال الملكين يا رب ادخلها فسيح جناتك وارزقها الفردوس الأعلى
وأحسن خاتمتنا وأغفر للمؤمنين والمؤمنات الأحياء منهم والأموات أنك قدير على كل شئ .. يا أرحم الراحميـن
Heba Allah
Heba Allah

انثى
عدد الرسائل : 43
العمر : 34
المزاج : يا رب لك الحمد كما ينبغى لجلال وجهك ولعظيم سلطانك
تاريخ التسجيل : 09/02/2009

الرجوع الى أعلى الصفحة اذهب الى الأسفل

عزااااااااااء Empty رد: عزااااااااااء

مُساهمة من طرف Aya الأحد مارس 01, 2009 9:17 am

آميـــــــــــــــن يارب
ربنا يرحملها ويصبر اهلها ويجعل مثواها الجنه ويرحمها من عذاب القبر
Aya
Aya

انثى
عدد الرسائل : 7
العمر : 34
تاريخ التسجيل : 11/02/2009

الرجوع الى أعلى الصفحة اذهب الى الأسفل

عزااااااااااء Empty رد: عزااااااااااء

مُساهمة من طرف ahmedrefaat4 الأحد مارس 01, 2009 4:35 pm

{ قُل لَّن يُصِيبَنَآ إِلاَّ مَا كَتَبَ ٱللَّهُ لَنَا هُوَ مَوْلاَنَا وَعَلَى ٱللَّهِ فَلْيَتَوَكَّلِ ٱلْمُؤْمِنُونَ }التوبه 51
يا هبة الله مفيش بايدنا حاجة نعملها غير اننا ندعى لها بالرحمه وندعى لاهلها بالصبر قال تعالى(( وبشر الصابرين، الذين إذا أصابتهم مصيبة قالوا إن لله وإن اليه راجعون ))

اللهم اغفر لها وارحمها وعافها واعف عنها اللهم اسقها من يد حبيبك محمد صلى الله علية وسلم شربه هنيأة لا تظما بعدها ابداً اللهم نقها من خطاياها كما ينقى الثوب الابيض من الدنث اللهم اجعل مسواها الجنة اللهم احشرها فى زمرة المتقين الابرار اللهم خفف عنها عذاب القبر اللهم زوجها من الحور العين اللهم وسع لها قبرها مد بصرها اللهم اجعل لها القران اماما ونوراً اللهم ادخلها جنتك
ولتكن من الذين قال عنها رسول الله صلى الله عليه وسلم من* مات دون دينه فهو شهيد ومن مات دون ماله فهو شهيد ومن مات دون دمه فهو شهيد ومن مات دون نفسه في سبيل الله
نسال الله العلى العظيم ان يغفر لها ويرحمها ولتكن لنا موعظة فالموت لا يترك كبير ولا صغير ولا شاب ولا طفل فلنحب لقاء الله ليحب الله لقاءنا والبقاء لله
أخوكم / أحمد رفعت الفرقة الرابعه نظم معلومات
ahmedrefaat4
ahmedrefaat4

ذكر
عدد الرسائل : 14
العمر : 36
المزاج : رب اجعلنى مقيم الضلاة ومن ذريتى
تاريخ التسجيل : 08/02/2009

الرجوع الى أعلى الصفحة اذهب الى الأسفل

عزااااااااااء Empty رد: عزااااااااااء

مُساهمة من طرف click الإثنين مارس 02, 2009 7:22 am

إنا لله وإنا إليه راجعون
click
click

ذكر
عدد الرسائل : 44
العمر : 36
المزاج : زى الفل
تاريخ التسجيل : 12/02/2009

الرجوع الى أعلى الصفحة اذهب الى الأسفل

عزااااااااااء Empty رد: عزااااااااااء

مُساهمة من طرف ra7ma الأربعاء مارس 04, 2009 12:22 pm

ربنا يرحمها ويغفر ليها ياااااااارب
ra7ma
ra7ma

انثى
عدد الرسائل : 67
العمر : 35
المزاج : الحمد لله كويس
تاريخ التسجيل : 11/02/2009

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى