حوااااااااااااااار جامد مع الاباء

استعرض الموضوع السابق استعرض الموضوع التالي اذهب الى الأسفل

حوااااااااااااااار جامد مع الاباء

مُساهمة من طرف click في الأربعاء فبراير 18, 2009 11:53 pm


الاب المصري بيتعامل ازاي مع اولاده!!!!

أولا
لما ابوك يلا قيك بتتفرج ع التيلفزيون...

انت موراكش مزاكره انت ابن كلب قوم يا حيوان اقرالك كلمتين ينفعوك بدل الكلام الفاضي ده!!!


ثانيا
لما ابوك يلاقيك شغال ع النت...

انت موراكش غير الزفت ده، الله يحرق الكمبيوترات والنت واللي اخترعه، انت مش نافع ولا حتنفع ببصله، لو مش حتذاكر شوفلك شغلانه احسن، والشات والعالم الفاضيه دي مش حينفعوك في حاجه ولا حينجحوك في الامتحان!!!


ثالثا
لما ابوك يلاقيك بتلعب كوره

انت مش فاضي، انت مش وراك مزاكره، اطلع يا كلب اقرالك كلمتين، لا الكوره حتنجحك ولا زفت الطين حينجحك...


رابعا
لما تتناقش مع ابوك

لما يكلمك وتسكت،،، يقولك انت مش سامعني، ولا شايفني كلب قدامك، م ترد عليا يا حيوان،،، وقلمين
لما ترد عليه،،، وكمان بترد عليا يا كلب، انا معرفتش اربيك، انت تقوله: لا والله،، يقولك وكمان بتكدبني،، تقوله:: مش بكدبك والله ولا حاجه يقولك وبتعلي صوتك عليا يا حيوان،،، وبرضه قلمين


خامسا
لما ابوك يمسكك بتشرب سجاير

د انت فقدت، على آخر الزمن ابني انا يشرب سجاير، د انا عمري م حطيت سجاره ف بقي،، وانا اللي خليت ابويا يبطل السجايرو على آخر الزمن ييجي ابني يشرب سجاير!!!

ولما صاحبك يكون بيشرب سجاير

الواد مش متربي.. ليه؟؟ بيشرب سجاير؟؟ يا سلام!!! م انت كمان بتشرب سجاير؟؟ وكمان بترد عليا يا ابن الكلب، انا الغلب هو اللي بيشربني سجاير، ولولا الهم والعيال والقرف م كان الواحد مسكها!!!


سادسا
في المواقف العامه

لو مزاجه حلو: ايوه ياد عايزين نجوزوك ونفرحوا بيك،، لسه بدري يا عم الحج،، بدري مين د احنا خلاص حنموتوا وعايزين نفرح بيكم قبل م نموت... انت بقى مكسوف ووشك للارض،، تقوله والله يا حج انا عيني على فلانه!!!! وفجأه ابوك وشه يبقى 100 لون،، وبالقلم على وشك،، مش لما تتخرج الأول يا ابن الكلب، وبعدين احنا معانا فلوس عشان نجوزوكم، انت اتخرج واشتغل وبعدين اتجوز...

بعد التخرج طبعا والشغل...
ايه يا حج!! مش فاكر الموضوع بتاع الجواز اللي كلمتني عليه من سنه؟؟ اه فاكر طبعا، بس انت شاور ومن بكره نخطبهالك،، وللمره التانيه!!! مكسوف ووشك للارض،، والله يا حج انا عايز فلانه!!! وللمره التانيه ابوك وشه يدي 100لون وبالقلم على وشك!!! يا ابن الكلب مش لما تلاقي شقه وتفرشها، وبعدين مرتبك ده يأكل عيش،، د انتوا بالمرتب ده حتشحتوا انت والعيال... خلاص يا حج، ينعل ابو الجواز ع اللي يتجوزوا...
بتلعن ابويا يا ابن الكلب، انا اتكلمت يا حج، د انا بسب للجواز واللي يتجوزوا، مالك انت ومال الجواز؟؟ يروح ساكت وميتكلمش!!! بعد اسبوع تكتشف انه متجوز اتنين غير امك!!!



لو متعصب بقى وانت عمل حاجه غلط: انت عاوز تشلني، ولا عاوز تموتني، انا لو مت يبقى بسببك، دانا عندي الضغط والسكر وكل الامراض جاتني بسببك، انت مش حترتاح غير لما تشلني....



على فكره،،،،،،،،، الكلام ده بيحصل في معظم البيوت المصريه، نفس السيناريو، نفس الحوار!!!!!!!!! بين الاب المصري وابنه!!!!!!

لكن الابن دايما مظلوم والاب هو اللي عصبي،،، وطبعا الواد م يقدرش يفتح بقه مع ابوه عشان عيب، وده غلط، وده ابوك،، ولو فتح بقه!!!! زي م انتوا قريته،،، انت بترد عليا... الخ...



دى مشكلة ابهاتنا المصرية

[/center]
avatar
click

ذكر
عدد الرسائل : 44
العمر : 30
المزاج : زى الفل
تاريخ التسجيل : 12/02/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى